[i55i]
DE LA VILLE DE PARIS.
237
"Henry, par la grace de Dieu, Roy de France, aux Prevo.it des Marchans et Eschevins de nostre ville ct cité de Paris, [salut].
"De la partie de noz chers el bien amez Jehan Bellechère, Guillaume Poussepin et Guillaume Sal­lonnier, marchans de noslre ville de Paris et de Moullins, nous a esté remonstré que, puis nagueres, ilz avoient à leurs fraiz ct despens faict veoir el visi­ter, et sonder, depuis nostre pays de Morvent jus­ques au lieu et port de Bazarne et Crevant1', où il y a grande estandue de pays, les rivieres de Curre et Yonne, descendans en nostredicte Ville de Paris, pour en icelles expérimenter de faire flotter et con­duire jusques aud. Paris certaine quantité de boys de mosle et autres sortes de boys, avecques difficulté expérimentée par autres (-', pour le peril et doubte où jusques icy l'on a esté que led. boys, à cause de la violence et creuë frequenté de lad. riviere d'Yonne, ne se perdit et submergast; et que neanlmoings ilz ont desir de faire executer, toutes voyes à leurs perilz et fortunes, et soubz nostre bon plaisir, ayde et confort, sans lequel ilz ne pourroient, aisément faire lad. enlreprinse, ne seurement faire conduire et flotter led. boys, sans grande perte et peril, obstant les rebellions des proprietaires ayans moullins, terres et possessions adjacentes ausdictes rivieres, larecins et pilleryes des mounyers et paysans voisins d'icelles, qui pourroient piller, faire desrober et enlever leurdict boys, si sur ce ne leur estoit par nous pourveu de noz lettres de commission, pour ce requises et necessaires, humblement requerant icelles.
"Pour ce est-il que nous, cc que dit est consi­deré, desirans la seureté et conduite dud. boys et considerant que le bien et utilité en rcvyent à la république de nostre royaulme, mesmes de nostre­dicte ville de Paris, affin aussi que lesd, exposans ne rapportent aucun dommage de leurdicte entre-prinse, pour la facilité et promptitude d'icelle, avons ordonné et mandé, ordonnons et mandons, par ces­dictes presentes, aux proprietaires desd, moullins et. à tous autres, dc quelque estat et conditions qu'ilz soient, ayans terres et possessions sur les cours d'eaue, ruisseaulx et petites rivieres flotables, conti­gues lesd, rivieres de Curre ct Yonne, et autres des­cendans cn icelles rivieres, de souffrir et permectre
ausdictz exposans, ou à l'ung d'eux seul et pour le tout, leurs conssors, facteurs et entremecleurs, de ediffier et construire portes, perlhuys,relaiz,esclu..es et arrestz sur lesd, rivieres, et de n'empescher, di­rectement ou indirectement, l'effect et acomplisse-ment des choses dessusdicles, ains leur obeyssent, prestenl ayde et conffort, et souffrent faire icelles portes, perthuys et escluzes.
"Et oultre, voullans obvier et pourvoir ausdictz larrecins et pilleryes, avons, de noz propre mou­vement, certaine science, grace especial, plaine puis­sance et auctorité royal, dit et declairé, disons et declairons, voullons et nous plaist, par cesdictes presentes que le boys de buschc, merrien à ung quartier à faire eschallatz, et toutes autres sortes de boys, appartenans ausdictz exposans, ou autre ayant droit par transport d'eulx, qui seront par cy après admenez ct conduilz, floltans et respanduz sur et le long desd, rivieres et autres, seroient en pareil seureté, sauvegarde, comme s'ilz estoient en noz villes closes.
"Et à ceste fin, avons inhibé et deffendu, inhi­bons et deffendons, par cesdictes presentes, à toutes gens, dc quelque estat ou qualité qu'ilz soient, de ne user dc retencion et main garnye dud. boys, en payant par lesd, exposans, ou l'ung d'eulx, ou autre qui auront moyen et transport d'eulx, par chascun moulin à bled qu'il empescheront et feront chômer, la somme de dix solz tournois par jour, et pour chas­cun moulin à drap, escorce ou papier, aussi ouvrans, qualre solz tournois par jour, à raison de xxnii heures par jour, pro rata des heures qu'ilz empescheront lesd, moullins; et semblablement eulx ingerer ne entremectre de transporter, ne enlever, ne faire transporter, ne enlever aucune piece de boys desd, exposans hors lesd, rivieres et cours d'eaue, sans leur voulloir et consentement, sur peyne de x solz tournois pour chascune piece de boys, pour la pre­miere foys, et xlv solz tournois pour chascune piece, pour la seconde foys, et de pugnition du fouet et admende arbitraire, pour la m"" foys.
" Et en oultre, avons inhibé et deffendu, inhibons et deffendons à tous basteliers, et autres frequentans lesd, rivieres et cours d'eaue, de ne ouvrir, ne faire ouvrir les perthuis estans au dessus des moullins desd, rivieres, el lors de la flotte dud. boys, comme
O Bazarnes et Cravant, deux communes du canton de Vermenton (Yonne).
(J) Voy. les propositions faites à la ville de Paris par Cilles Desfroissis, l'an i546, et les expériences de flottage qui furent faites sur la Cure à cette occasion, ci-dessus, p. 65, 66, 69, 77.